Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкиннің (37-0-1, 33 КО) промоутері Том Леффлер мексикалық Сауль "Канело" Альвареспен (49-1-2, 34 КО) өткен жекпе-жектен кейін барлығына жіті назар аударатынын, сондай-ақ, тағайындалатын төрешілерге де назар аударатынын мәлімдеді, - деп хабарлайды Vesti.kz.
"Вегаста бірдеңе дұрыс болмады және енді біз мұндай жағдай тағы да қайталанбайды деп сенуіміз керек. Головкин осыған дейінгі соңғы екі жекпе-жегінде бірнеше нокаут жасады, ол кезде бізге тіпті төрешілер жайлы ойланудың қажеті болған жоқ. Ал енді біз осы мәселеге және жекпе-жекке қатысты басқа да мәселелерге назар аударатын боламыз", - деп келтірді промоутердің сөзін Daily Mail.
Айта кетейік, 17 қыркүйекте Лас-Вегаста өткен Головкин - Альварес жекпе-жегі 12 раундқа созылды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
