Орта салмақта WBA (Super), IBO, IBF, WBC тұжырымдары бойынша әлем чемпионы Геннадий Головкин келесі жекпе-жегінде ағылшын боксшысы Келл Брукпен жұдырықтасады, - деп хабарлайды Vesti.kz.
Бұл туралы Головкиннің өзі мен промоутер Эдди Хирн Twitter желісінде жария етті. Жекпе-жек Лондондағы О2 аренасында 10 қыркүйекте өтеді.
It's official. I will be facing off against @SpecialKBrook Sept. 10 in #London. Ready for my first #UK fight. pic.twitter.com/0bewf2QqS2
— Gennady Golovkin (@GGGBoxing) 8 июля 2016 г.
"Ресми түрде жариялаймын. Мен 10 қыркүйекте Келл Брукпен Лондонда жұдырықтасамын. Ұлыбританиядағы бірінші жекпе-жегіме дайынмын", - деп жазды Головкин.
On Sept 10 at the @theo2 - @GGGBoxing v @SpecialKBrook for the unified Middleweight World Championship!!! @SkySports pic.twitter.com/GWUoTL703w
— Eddie Hearn (@EddieHearn) 8 июля 2016 г.
Бұл 34 жастағы Головкиннің 36-шы жекпе-жегі болады. Бұған дейінгі 35 жекпе-жектің барлығында да жеңіске жетті (32-сін нокаутпен). 30 жастағы Брук те жеңіліп көрмеген - 36 жекпе-жек, 36 жеңіс (25-і нокаутпен). Ол бірінші орта салмақта жұдырықтасады (66,7 келі) және IBF чемпиондық белбеуінің иегері.