1. Басты
  2. Біл
  3. Спорт
  4. Бокс

Желіде Головкиннің "Канеломен" өтетін жекпе-жекке дайындалып жатқаны түсірілген видео пайда болды

Видеодан алынған сурет Видеодан алынған сурет

Желіде WBA (Супер), IBO және WBC тұжырымдары бойынша орташа салмақтан әлем чемпионы қазақстандық Геннадий Головкиннің мексикалық "Канело" Альвареспен болатын жекпе-жекке дайындалып жатқан сәтінің видеосы пайда болды, - деп хабарлайды Vesti.kz.

"Геннадий Головкин пресін жаттықтырып, "Канелоның" қимылдау стратегиясына дайындалып жатыр. GGG сабырлы және салмақты көрінеді", - деп жазылған Youtube-тегі Villainfy media арнасында жарияланған роликтің сипаттамасында.

Мұның алдында Геннадий Головкин мен Сауль "Канело" Альварес қыркүйектегі матч-реванш қарсаңында қандай да бір біріккен медиажобалардан бас тартқанына қарамастан, бетпе-бет кездескені хабарланған болатын.

Еске салайық, Головкин мен Альварестің бірінші жекпе-жегі өткен жылдың қыркүйегінде Лас-Вегастағы T-Mobile аренасында өткен. 12 раундтың қорытындысы бойынша олар тең тарқасқан. Тараптар қызу талқыдан кейін 15 қыркүйекте қайтадан кездесу ұйымдастыру туралы шешімге келді.