"Канелоның" промоутері: Тең нәтижені әділ шешім дейтіндерге таңғаламын

Айдос Қосыбаев

Boy Promotions промоутерлік компаниясының президенті Эрик Гомес орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегін тағы бір көруге лайықты деп санайды, - деп хабарлайды Vesti.kz.

Boy Promotions промоутерлік компаниясының президенті Эрик Гомес орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегін тағы бір көруге лайықты деп санайды, - деп хабарлайды Vesti.kz.

"Меніңше, "Канело" жеңді. Мен оған бастапқы үш раундты берер едім. Төртінші мен сегізінші раундтар аралығында ол босаңсып қалды, бірақ алтыншы раундта ол Головкинді есеңгіретті, соңғы үш раундта да басымдыққа ие болды. Көптеген фанаттар мен БАҚ өкілдері тең нәтижені әділ шешім деп санайды... Сонымен қатар, GGG жеңді деушілер де бар, біреулер жеңісті Альвареске береді. Тең нәтижені әділ шешім дейтіндерге таңғаламын. Бұл екі ұлы боксшының жекпе-жегі, "тай-брейкке" әбден лайық", - деп жазады BoxingScene.com басылымы Гоместің сөзін.

Айта кетейік, Лас-Вегаста өткен жекпе-жек 12 раундқа созылды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.

соңғы жаңалықтар соңғы жаңалықтар Головкин-Альварес Головкин Геннадий