1. Басты
  2. Біл
  3. Спорт
  4. Бокс

Қазақстандық боксшы мексикалық "Тайсонды" жеңді22 ақпан 2020, 11:15

© Eye of the Tiger Management © Eye of the Tiger Management

Қазақстандық боксшы Нұрзат Сабиров кезекті жеңісіне жетті, - деп хабарлайды Vesti.kz.

Бұл жолы Канаданың Римуски қаласында ол 30 жастағы мексикалық "Тайсон" лақапаты бар Рикардо Адриан Луна Флоресті жеңді. Жартылай ауыр салмақтағы жекпе-жек жоспарланған сегіз раундқа созылды, оның қорытындысы бойынша төрешілер бірауыздан жеңісті Сабировқа берді.

26 жастағы қазақстандықтың бұл 11 жекпе-жектегі 11-жеңісі (оның тоғызын мерзімінен бұрын аяқтаған). Ал Флорес сегізінші рет жеңіліске ұшырады, оның қоржынында 22 жеңіс (14 нокаутпен) және бір тең нәтиже бар. 

Айта кетейік, Нұрзат Сабиров BoxRec сайтының мәліметтеріне сәйкес, Қазақстанның үздік боксшыларының ондығына кірді.