Конвенцияның Бакуға ауыстырылуынан қандай бокс жұлдыздары Қазақстанға келмейтін болды?

23 Мамыр 2017, 10:48
2
Конвенцияның Бакуға ауыстырылуынан қандай бокс жұлдыздары Қазақстанға келмейтін болды? -

Бүгін, 23 мамырда жыл сайын өтетін Бүкіләлемдік бокс кеңесінің (WBC) 55-ші конвенциясы Әзірбайжан астанасы - Бакуде өтетіні белгілі болды, - деп хабарлайды Vesti.kz тілшісі.

Ал мұның алдында конвенция Астанада өтетіні хабарланған еді. Қазақстан астанасының өтініші 2016 жылы АҚШ-тың Флорида штатында 54-ші конвенция кезінде мақұлданған.

Айта кетейік, Астанада өтетін WBC конвенциясына Шугар Рэй Леонард, Марвин Хаглер, Майк Тайсон, Леннокс Льис, Эвандер Холифилд, Виталий мен Владимир Кличко, Костя Цзю, Мэнни Пакьяо, Василий Ломаченко, Александр Поветкин, Амир Хан, Хуан Мануэль Маркес, Рой Джонс, Роберто Дюран, Хулио Цезарь Чавес, Лейла Али және Джо Кальзагелер келуі керек болатын.

Сонымен қатар, Астанадағы конвенцияға Генндаий Головкин де келеді деген болжам айтылған. Алайда кейін Сауль "Канело" Альвареспен жекпе-жек белгіленіп, боксшы алдағы маңызды жекпе-жегіне дайындалуы керек болды.

Қазақстанның Кәсіпқой бокс федерациясының президенті Ерлан Бекхожин Астанаға бокстан әлемнің 12 дүркін чемпионы кіші Флойд Мейвезер де келетінін айтқан.

Есек салайық, Бүкіләлемдік бокс кеңесінің (WBC) 55-ші конвенциясы Астанада 31 тамыз бен 9 қыркүйек аралығы өтеді деп жоспарланған болатын. Бұл шараға WBC директорлары, қазіргі әлем чемпиондары мен үміткерлер, менеджерлер мен промоутерлер, төрешілер, тіпті медицина саласы мамандары және еріктілер ұйымынан жалпы 500 делегат қатысуы керек еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай