1. Басты
  2. Біл
  3. Спорт
  4. Бокс

Мен жекпе-жекті жалғастырғым келген, бірақ рефери тоқтатып тастады - Лемье18 қазан 2015, 10:54

 © HBO © HBO

IBF тұжырымының бұрынғы чемпионы Давид Лемье қазақстандық Геннадий Головкиннен жеңілгеннен кейін қарсыласының лайықты түрде жеңіске жеткенін мәлімдеді, - деп хабарлайды Vesti.kz.

"Головкин - ұлы боксшы және мен оны құрметтеймін. Бүгін Головкин менен бір саты жоғары тұрды. Мен жалғастырғым келген, бірақ рефери кездесуді тоқтатып тастады. Ойлағандарым жүзеге аспады. Головкин шабуылдарды көп жасады және дәл соққылар жасай білді", - деді Лемье жекпе-жектен кейін.

Еске салайық, Головкин - Лемье жекпе-жегі 18 қазанда таңғы уақытта Нью-Йоркте өтті. Қазақстандық боксшы қарсыласын сегізінші раундта нокаутқа түсірді. Осылайша Головкин Лемьеден IBF титулын тартып алды. Бұл - 33 жастағы қазақстандықтың 34-ші жеңісі. Осылайша қазақстандық боксшы барлық титулын сақтап қалды және қарсыласының IBF титулын алды.