02 ақпан 2019 17:04

"Ол болашақта Головкиннің шыңына жетеді" - сарапшы Садриддин Ахмедов жайлы

Камила Долаева Журналист

ПОДЕЛИТЬСЯ

Геннадий Головкин және Садриддин Ахмедов Геннадий Головкин және Садриддин Ахмедов

Кәсіби бокс әлеміндегі канадалық сарапшы Лорент Поулин бірінші орта салмақтағы WBC "жастар" чемпионы қазақстандық Садриддин Ахмедовты (7-0, 7 КО) танымал отандасы Геннадий Головкинмен (38-1, 34 КО) салыстырды, - деп хабарлайды Тengrinews.kz тілшісі Vesti.kz сайтына сілтеме жасап.


Кәсіби бокс әлеміндегі канадалық сарапшы Лорент Поулин бірінші орта салмақтағы WBC "жастар" чемпионы қазақстандық Садриддин Ахмедовты (7-0, 7 КО) танымал отандасы Геннадий Головкинмен (38-1, 34 КО) салыстырды, - деп хабарлайды Тengrinews.kz тілшісі Vesti.kz сайтына сілтеме жасап.

"Сарапшылардың көбінің пікірімен келісемін. Садриддин Ахмедов - тамаша, болашағы мықты боксшы. Ол - жаңа жұлдыз және канадалық бокс сүйер қауым оның жасаған шоуын қуана бақылайды. Ал рингтен тыс ол өте қарапайым, тәрбиелі жігіт. Бұл қазақстандық боксшылардың басты ерекшелігі.

Мен Головкиннің АҚШ-тағы карьерасын бастаған кезін еске алдым. Ахмедов отандасына ұқсайды. Екі боксшы да бірінші болуды және жарқын жекпе-жек көрсетуді қалайды. Менің ойымша, ол болашақта Головкиннің шыңына жетіп, халқы үшін талай тарихи жеңіс әкеледі", - дейді Поулин.

Еске салсақ, 27 қаңтарда канаданың Монреалында болған бокс кешінде Ахмедов төртінші раундта 22 жастағы мексикалық Абрахам Хуаресті (13-5, 5 КО) нокаутқа түсіріп, WBC нұсқасы бойынша бірінші орта салмақтағы "жастар" әлем чемпионы атағына ие болды.

Осы жекпе-жектен соң Ахмедов BoxRec рейтингінде 116 сатыға көтерілді (201-ден 85-орынға). Ал канадалық сарапшы Филипп Сен-Мартен жанкүйерлерге қазақстандықтың есімін жаттап алуға кеңес берді.

Ахмедов осымен кәсіпқой бокстағы жетінші кездесуін өткізіп отыр. Ол 2018 жылы дебют жасап, қарсыласын уақытынан бұрын жеңген болатын. Ал әуесқой бокста Ахмедов 2016 жылы жастар арасындағы әлем чемпионатында жеңімпаз болған. Оның мүддесін Eye of the Tiger Management атты канадалық промоутерлік компания қорғайды.



Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети