Өзбекстандық боксшы қарсыласын бір соққымен құлатты 27 қараша 2022, 13:28
2020 жылғы Олимпиада чемпионы, өзбекстандық Баходир Джалолов (12-0, 12 КО) кәсіпқой бокстағы кезекті айқасын өткізді, - деп хабарлайды Vesti.kz.
АҚШ-тың Карсон қаласында өткен айқаста ол америкалық Кертис Харпермен (14-9, 9 КО) жұдырықтасты.
Ауыр салмақтағы жекпе-жек он раундқа есептелген болатын, бірақ төртіншісінде аяқталды. Джалолов қарсыласын бір соққымен құлатты. Харпер аяққа тұрғанымен, төреші жекпе-жекті тоқтату туралы шешім шығарды. Кертис үшінші раундта да бір құлап алған болатын.
Еске салайық, Джалолов 2019 жылы әлем чемпионы және үш рет (2017, 2019, 2021) Азия чемпионы атанған.
— jb 🥊 (@BoxingJb) November 27, 2022
Harper the Clown 🤡 pic.twitter.com/stowD2pJh3
— jb 🥊 (@BoxingJb) November 27, 2022
Сілтемесіз жаңалық оқисыз ба? Онда Telegram желісінде парақшамызға тіркеліңіз!