+7 (777) 001 44 99
I топтағы мүгедектігі бар адамдарға арнайы орындарға билет рәсімдеу үшін енді теміржол кассаларына барудың қажеті жоқ. Енді мұны онлайн режимінде жасауға болады, деп хабарлайды Tengri Travel.
Бас көлік прокуратурасының баспасөз қызметінің хабарлауынша, бұрын мұндай мүмкіндік болмаған. Прокурорлық қадағалау актісінен кейін Көлік министрлігі жүйені жетілдіріп, мүгедектігі бар жолаушыларды автоматты түрде сәйкестендіруді қамтамасыз етті.
"2026 жылғы маусымнан бастап әлеуметтік маңызы бар жолаушылар поездарында арнайы орындарға билеттерді онлайн рәсімдеу сервисі іске қосылды", - делінген хабарламада.
Бұл "ҚТЖ" электрондық билет сату жүйесін Еңбек және халықты әлеуметтік қорғау министрлігінің ақпараттық жүйесімен интеграциялаудың арқасында мүмкін болды.
Енді билет сатып алу кезінде жүйе жолаушының мәртебесін автоматты түрде растайды, соның нәтижесінде арнайы орындарды рәсімдеу үшін кассаға жеке барудың қажеттілігі жоқ.
Бас көлік прокуратурасының мәліметінше, жаңа қызметті I топтағы мүгедектігі бар 90 мыңға жуық адам пайдалана алады.
Ведомство бұл жаңашылдық теміржол тасымалының қолжетімділігін арттыруға және ерекше қажеттіліктері бар жолаушылар үшін жайлы жағдай жасауға бағытталғанын атап өтті.
