+7 (777) 001 44 99
Қазақша
Русский
English
Қазақша
Русский
English
Ресейлік "Боец" телеарнасының бас редакторы және бокс сарапшысы Сергей Завилейскийдің пайымдауынша, Бейбіт Шүменовтің IBF тұжырымы бойынша әлем чемпионы Бернард Хопкинске (49 жаста) қарсы мүмкіндігі аса жоғары емес, - деп жазады Vesti.kz.
Бірақ қазақстандық сарапшылар Бейбіт Шүменов жеңеді деген пікірде екендіктерін де атап өткен.
"Жеңіске жету мүмкіндігі – 65:35, америкалықтың пайдасында, деп ойлаймын. Бәрібір Хопкинстің аты – Хопкинс. Иә, оның жасы егде тартып қалды. Ал Шүменов – жастау және құлшынысы зор... Бірақ, мен сонда да Шүменовке басымдық бермес едім. Не үшін екенін айтайын: көптеген боксшылар оған, сырттай қарағанда, егде тартқан Бернардқа қарсы шыққан, бірақ қандай артықшылықтары болса да, жеңе алмаған. Бұл Шүменовтің де қолынан келеді деп ойламаймын", - деп өз ойын жайып салды Завилейский.
Сарапшы сондай-ақ, жеңіске жету үшін боксшыларға 12 раунд бойы жұдырықтасу қажет болатындығын, онда ұпай санымен Хопкинс басым түсетіндігін білдірді.
"Бірақ бұл – менің пікірім ғана. Біз боксшылар айқасы жайлы айтып отырмыз, онда жекпе-жек тағдырын бір ғана соққы шешіп кете алады", - деді Завилейский. Толығырақ мына жерден оқи аласыздар.
Естеріңізге сала кетейік, Шүменов пен Хопкинс арасындағы айқас 19 сәуір күні Вашингтондағы DC Armory аренасында өтеді. Бұл жекпе-жекті KazSport телеарнасы тікелей эфир арқылы көрсетеді, АҚШ-тағы бокс кешіне қосылу Астана уақытымен 03:00 сағатта 20 сәуірге ауған түні басталады.
