+7 (777) 001 44 99
Қазақша
Русский
English
Төрт салмақ дәрежесіндегі әлемнің бұрынғы чемпионы Рой Джонс WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық Геннадий Головкин (37-0-1, 33 КО) мен мексикалық Сауль "Канело" Альварестің (49-1-2, 34 КО) жекпе-жегіне қатысты пікірін білдірді, - деп хабарлайды Vesti.kz.
"Төрелікке қарамастан, тамаша жекпе-жек болды. Тіпті судьяның өзі мықты екі кәсіпқой боксшының кездесуіне кедергі бола алмады. Олар біз күткеннен жақсы жұдырықтасты", - дейді ол.
"Біз "Канело" жұдырықтасады деп күттік, бірақ ол бұл жекпе-жекте шабылып қалды. Головкиннен де соны күттік, көше төбелесін жасайды деп ойладым, бірақ жоқ, ол онда боксшы болды. Меніңше, GGG 1-2-ші раундтарда жеңіп тастау керек еді. Бірақ мен, бокссүйер адам ретінде, тең есепке қуандым. Нағыз жанкүйерлер нағыз жеңімпазды көргісі келеді", - деді Джонс.
Головкин мен Альварес 2018 жылы 5 мамырда шаршы алаңда қайта кездеседі. Олар бірінші рет 2017 жылы 16 қыркүйекте Лас-Вегаста кездескен еді. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
