8 сәуірде 37 жасқа толған орта салмақта бұрынғы әлем чемпионы Геннадий Головкин (38-1-1, 34 КО) жанкүйерлерінің құттықтауы үшін алғыс білдірді, - деп хабарлайды Vesti.kz.
"Құттықтаулар үшін барлығыңызға рақмет! Үнемі қолдау көрсетіп жүретін жанкүйерлеріме алғыс білдіремін. Таяуда көрісеміз!", - делінген қазақстандық боксшының Instagram желісіндегі парақшасында.
Головкин 8 маусымда рингке оралады деп жоспарланған. Жекпе-жек Нью-Йорктегі Madison Square Garden аренасында өтеді, аралық салмақ - 164 фунтта (шамамен 74,5 келі), бұл орта дивизион лимитінен төрт фунт артық. Қарсылас әзірше белгісіз.
