Токио Олимпиадасы: үшінші боксшымыз келесі кезеңге жолдама алды 26 шілде 2021, 15:18
Қазақстандық боксшы Сәкен Бибосынов Токио Олимпиадасында 1/8 финалға жолдама алды, - деп хабарлайды Tengrinews.kz тілшісі.
Жалғасы
Алғашқы кезеңде Бибосынов Пуэрто-Рико өкілі Янкель Ривера Фигероамен жұдырықтасты. Қазақстандық боксшы қарсыласын 4:1 есебімен жеңді.
24 жастағы Бибосынов - 2019 жылғы әлем чемпионаты мен 2021 жылғы Азия чемпионатының қола жүлдегері.
Айта кетейік, бұған дейін 57 келіге дейінгі салмақта Серік Теміржанов пен 63 келіге дейінгі салмақта өнер көрсететін Зәкір Сафиуллин 1/8 финалға өткен болатын.
Еске салайық, Токио Олимпиадасында Қазақстан қоржынында екі жүлде бар. Дзюдошы Елдос Сметов пен ауыратлет Игорь Сон қола медаль иеленген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!