+7 (777) 001 44 99
Қазақша
Русский
English
Қазақша
Русский
English
Қазақстандық Геннадий Головкин мен мексикалық Сауль "Канело" Альварес арасындағы екінші жекпе-жек аяқталды, - деп хабарлайды Tengrinews.kz тілшісі.
Лас-Вегастағы T-Mobile аренасында екінші мәрте өткен жекпе-жекте мексикалық боксшы Сауль "Канело" Альварес жеңді.
Beautiful combination by GGG! (10th round action) #CaneloGGG2 pic.twitter.com/BcZ5LlIY46
— The Sports Junky (@TheSportsJunky1) 16 сентября 2018 г.
Бұл екі боксшының арасындағы алғашқы жекпе-жек осыдан бір жыл бұрын өткен еді. Ол кезде кездесу тең аяқталды. Реванш биыл 5 мамырда өтуі тиіс болған, алайда мексикалық боксшы допинг тесттен өте алмай, тыйым салынған заттар қанынан табылып, ол алты айға бокстан шеттетілді.
Айта кетейік, бұған дейін қазақстандық Геннадий Головкин мен мексикалық Сауль "Канело" Альварес жекпе-жек алдында көз арбасу рәсімін өткізіп, шараның соңы жанжалға ұласқан болатын. Көз арбасу кезінде жанжал бола жаздады. Екінші болып келген Альварес Головкиннің маңдайына дейін жақындады, осыдан кейін мексикалықтың бапкерлері итерісіп, промоутерлер мен оққағарлар төбелестің болуына жол бермеді.
"Ол клоун, шоумен, нағыз жігіт емес. Бұл жай ғана жекпе-жек емес, бұл ерекше соғыс. Жас маңызды емес. Мен нокаутты қалаймын. Шын мәнінде қалаймын. Мен Big Drama Show болатынына сөз беремін. Қолдауларыңыз үшін баршаңызға рақмет. Барлығы сіздер үшін, достар. Ертең кешке. Бокстың барлық жанкүйері мен барлық мексикалық үшін - бұл сіздерге сыйлық", - деді Головкин сахнада "Канелоның" көзінен не байқадың деген сұраққа жауап беріп.
