Бүкіләлемдік бокс кеңесінің (WBC) барлық салмақ бойынша жаңартылған рейтингінде қазақ боксшысы топ-15 тізіміне енді, - деп хабарлайды Vesti.kz.
Спорт порталының мәліметінше, екінші орта салмақта WBO Global, WBC Asia және WBA белбеулеріне ие Айдос Ербосынұлы (14-0, 9 КО) 24-орыннан бірден 15-ке көтерліген.
Қазақ боксшысы кейінгі жекпе-жегін 26 шілдеде Минскте өткізіп, Нуху Лавальді (27-7, 15 КО) жеңген болатын. Жекпе-жек кезінде Айдос қарсыласын екі рет нокдаунға түсірген еді.
Осы салмақтағы тағы бір қазақстандық боксшы, WBC International Silver белбеуінің иегері Али Ахмедов 14-орыннан 13-орынға көтерілді.
Қазақстан жаңалықтары. Соңғы жаңалықтар. Telegram желісінде бізге жазыл!