+7 (777) 001 44 99
ПОДЕЛИТЬСЯ
Индустрия және инфрақұрылымдық даму министрі Қайырбек Өскенбаев Қазақстандағы жылжымайтын мүлік нарығындағы жағдай туралы айтты, - деп хабарлайды Tengrinews.kz тілшісі.
Индустрия және инфрақұрылымдық даму министрі Қайырбек Өскенбаев Қазақстандағы жылжымайтын мүлік нарығындағы жағдай туралы айтты, - деп хабарлайды Tengrinews.kz тілшісі.
ИИДМ басшысы елімізде "құрылыс саласында дағдарыс жоқ" деген сенімде.
"Осындай жағдайда кейбір құрылысшылардың қандай да бір идеологияны құруға деген ұмтылысы бар, дағдарыс деген. Бізде нақты белгіленген ұстаным бар. Тұрғын үй мәселесіне келсек, биыл 15 миллион шаршы метр тұрғын үй салуды жоспарлап отырмыз. Оның 15 пайызы ғана мемлекет есебінен салынып жатыр. Қалған 85 пайызы жеке секторда салынған. Сондықтан, жалпы құрылыс саласына жаһандық түрде араласып әсер етеміз десек, бұл дұрыс емес", - деді Өскенбаев.
Тұрғын үй бағасына келетін болсақ, "Нұрлы жер" бағдарламасы бойынша мемлекет тарапынан шаршы метр құны бекітілген, деп еске салды министр.
"Әр қала, әр облысқа ол анықталған, оны өзгертпейміз. Құрылыс саласы осы бағдарламаға қатысамын дегендерге бағаны көтергенімізді қалайды. Мемлекет бағаны көтереді, бірақ бұл баспананы біреу сатып алуы керек. Ал оны біздің халық сатып алады, бірақ қымбатырақ. Сондықтан бұл жерде мүдделер тепе-теңдігін сақтау қажет", - деп түсіндірді ол.
Қайырбек Өскенбаев құрылыс саласының маңыздылығын, тұрғындардың мүддесін ескеру қажеттігін айтты.
"Құрылыс саласы шығаратын өнім халыққа қолжетімді болуы керек. Осы теңгерімді сақтауымыз керек. Құрылыс құнының қымбаттауына келетін болсақ, бұл тетік заңнамада нақты көрсетілген. Егер іске асырылып жатқан жоба құнының өсуі 10 пайыздан асса, онда әзірлеуші әкімшіге хабарласуға құқылы. Әкімші не түзетулер енгізіп, құнын арттырады, не келіспейді. Бұл ретте орындалған жұмыс көлеміне есептеліп, бұрынғы баға бойынша конкурс жарияланады", - деп түсіндірді ведомство басшысы.
Ол былтыр бағаның өсуіне 220-ға жуық жоба сараптамаға барғанын еске салды. Министрдің айтуынша, олар сараптамадан өтіп, бағаның көтерілгенін растап, жергілікті атқарушы органдар олармен келісімге қол қойған.
Еске салайық, Ұлттық статистика бюросының мәліметі бойынша, бір жыл ішінде - 2021 жылдың наурызынан 2022 жылдың наурызына дейін - қайталама нарықтағы пәтерлер бағасы - 27,7 пайызға, жаңа тұрғын үй бағасы - 20,3 пайызға, жалға алу 22,5 пайызға өскен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
