2018 жылдың желтоқсанында сатылымдағы баспананың шаршы метрінің бағасы 266 863 теңге болды, - деп хабарлайды Tengrinews.kz тілшісі ҚР Ұлттық экономика министрлігіне сілтеме жасап.
2018 жылы (2018 жылдың желтоқсаны 2017 жылдың желтоқсанына қарағанда) жаңа тұрғын үйлерді сату бағалары - 2,6 пайызға, абаттандырылмаған тұрғын үйлерді алып сату - 2,4 пайызға, абаттандырылған тұрғын үйлерді алып сату 1,9 пайызға өсті. Абаттандырылған тұрғын үйді жалға алу төлемі 6 пайызға жоғары болды.
Осылайша, жаңа баспананың шаршы метрінің орташа бағасы 266 863 теңге, абаттандырылған тұрғын үйлерді алып сату - 185 965 теңге, абаттандырылмаған тұрғын үйлерді алып сату шаршы метрі үшін 114 523 теңге болды. Ал абаттандырылған тұрғын үйді жалға алудың бағасы шаршы метрі үшін 1 384 теңгеге жетті.
