"Әміре" фильмі АҚШ-тағы және Ұлыбританиядағы кинофестивальдерге қатысып жатыр

20 Мамыр, 12:01
0
© kazakhfilmstudios.kz
© kazakhfilmstudios.kz

Қазақтың тенор дауысты біртуар әншіcі Әміре Қашаубаевтың ғұмырын баяндайтын "Әміре" көркем фильмі мамыр айында екі бірдей фестивальге қатысып жатыр, - деп хабарлайды Тengrinews.kz тілшісі "Қазақфильм" АҚ баспасөз қызметіне сілтеме жасап. Олар: АҚШ-та мамырдың 8-і мен 26-ы аралығында өтіп жатқан Washington Jewish Film Festival және Ұлыбританияда мамырдың 27-і мен 30-ы аралығында өтетін Carmarthen Bay Film Festival кинофестивальдері.

Фильмді Мәдениет және спорт министрлігі тапсырысы бойынша Ш.Айманов атындағы "Қазақфильм" АҚ және Әлидар Өтемұратовтың "Dar Play" компаниясымен бірлесе түсірген. Картинаның режиссері Джефф Веспа. Басты рөлдерді отандық актерлер Санжар Мәдиев (Әміре) және Еркебұлан Дайыров (Мұстафа Шоқай) сомдаған. Сонымен қатар, "Три билборда на границе Эббинга, Миссури", "Семь психопатов" және "Робокоп" фильмдері арқылы танылған австралиялық актриса Эбби Корниш (Abbie Cornish) түскен.

"Әмре" фильмі көптеген халықаралық фестивальдерге қатысып жатқанына, оның ішінде АҚШ пен Ұлыбританияда көрсетілетініне өте қуаныштымын. Фильм көпшіліктің көңілдерінен шығып жатыр, оны көрермендердің  әсерінен бірден байқауға болады. Сондықтан да, Әміренің ғажап дауысын бүкіл әлем естуі керек деп ойлаймын", - деді фильмнің режиссері Джефф Веспа.

Айта кетейік, былтыр "Әміре" фильмі бірқатар халықаралық кинофестивальдерге қатысып, беделді наградаларға ие болды. Атап айтсақ, бұл фильм Лос-Анджелесте өткен Hollywood Film Festivalфестивалінде "Silver Screen Prize" және "Global Grand Jury Prize"  сыйлықтарымен, сондай-ақ Ұлыбританияда өткен Manchester International Film Festival фестивалінде "Үздік қоюшы суретші" және АҚШ-та өткен WorldFest Houston  фестивалінде REMI Platinum award жүлдесімен марапатталды. Сондай-ақ жақында ғана "Әміре" фильмі Richmond International Film & Music Festival кинофестивалінде екі бірдей жүлдеге ие болды: "Үздік оқиғалы фильм" және фильмде басты рөлді сомдаған Санжар Мәди "Үздік актер". 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай