Актер Олег Видов АҚШ-та қайтыс болды. Бұл туралы оның әйелі Джоан Борстин мәлімдеді, - деп хабарлайды РИА Новости.
"Сүйікті жар, әке, дос Олег Видов бүгін Калифорния штатындағы Уэстлейк Виллидж қаласында ауыр онкологиялық аурудан қайтыс болды. Оның жасы 73-те еді", - деді актердің жары.
Олег Видов - Кеңес одағының, ресейлік және америкалық киноактер және кинорежиссер 1943 жылы 11 маусымда Мәскеу облысында туылған. Видов бірнеше советтік фильмде рөлдерді сомдады, соның ішінде "Всадник без головы", "Метель", "Обыкновенное чудо", "Сказка о царе Салтане", "Джентльмены удачи", "Москва, любовь моя" фильмдеріне түскен.