Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 340.11
EUR / KZT - 407.93
CNY / KZT - 51.61
RUB / KZT - 5.91

Шәкен Аймановтың туғанына 100 жыл толды

15 Ақпан 2014, 15:27
0
Шәкен Аймановтың бейіті Алматының орталық зиратында. ©Әлішер Ахметов
Шәкен Аймановтың бейіті Алматының орталық зиратында. ©Әлішер Ахметов
Ұлы тұлғаға Құран бағышталды. ©Әлішер Ахметов
Ұлы тұлғаға Құран бағышталды. ©Әлішер Ахметов
©Әлішер Ахметов
©Әлішер Ахметов
©Әлішер Ахметов
©Әлішер Ахметов
Актер Асанәлі Әшімов. ©Әлішер Ахметов
Актер Асанәлі Әшімов. ©Әлішер Ахметов
©Әлішер Ахметов
©Әлішер Ахметов
Қазақтың көрнекті режиссері, қазақ кәсіби кино өнерінің негізін қалаушы, даңқты актер, КСРО халық әртісі Шәкен Аймановтың туғанына 100 жыл толды деп хабарлайды Tengrinews.kz. Бүгін өнерсүйер жұрт пен Аймановтың туыстары оның Алматының орталық зиратындағы бейітіне барып, тәу етті.

Халық әртісі 1914 жылы 15 ақпанда қазіргі Павлодар облысының Баянауыл ауданында дүниеге келген. Ұлы тұлғаның ғасырлық мерейтойына орай бүгін сағат 17.00-де "Арман" киноорталығында еске алу кеші өтеді. Шара барысында оның "Біздің сүйікті дәрігер" музыкалық кинокомедиясының жаңа заманға сай өңделген нұсқасы көрсетіледі.

Аймановтың атындағы "Қазақфильм" АҚ президенті Ермек Аманшаевтың айтуынша, дарынды кинорежиссердің мерейтойы бүкіл Қазақстан бойынша тойланады. Баянауылда және Павлодарда режиссердің мүсіні орнатылады. Павлодар облысы әкімінің орынбасары Арын Орсариевтің айтуынша, өңірде Аймановқа ескерткіш тұрғызылған, оның атында мектеп пен мұражай бар. Көктемде Павлодар облысында Шәкен Айманов фильмдері әуендерінің фестивалі болады. Сонымен бірге, облыс орталығында көрнекті режиссер фильмдерінің апталығы өтеді.

Шәкен Аймановтың басына гүл қойып, тағзым еткендер оның қазақ киносының классигі екенін айтты. Режиссердің актерлік жолы еске алынды. "Шәкен Айманов қандай образда болмасын, әрқашан адал, тапқыр, түсінігі мол адам бола білді. Ол - ғаламдық деңгейдегі адам", - деді КСРО халық әртісі Асанәлі Әшімов. "Махаббат туралы аңыз", "Дала қызы", "Біз осында тұрамыз", "Тақиялы періште", "Атаманның ақыры" сияқты талай жауһар туындыны өмірге әкелген Шәкен Айманов 56 жыл өмір сүрді. 1970 жылдың 23 желтоқсанында оқыс оқиғаның салдарынан қайтыс болды. Оның есімі қазақ мәдениетінің бір бөлігі іспетті. 2003 жылдан бері Алматыда "Шәкен жұлдыздары" халықаралық кинофестивалі өтіп тұрады.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай