Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 340.11
EUR / KZT - 407.93
CNY / KZT - 51.61
RUB / KZT - 5.91

Бизнесте де, спортта да еліме пайдалы болғым келеді

05 Шілде 2016, 10:53
1

Бүгін танымал кәсіпқой боксшы, әлем чемпионы Геннадий Головкин Қарағандыда көмір байыту өндірісінің ашылуына қатысады. Қазақстандық БАҚ-тарда өткен айда пайда болған жаңалық оның отандастарын назарсыз қалдырмады. Сонымен, Головкинмен спорт туралы бірде-бір сөзі жоқ сұхбатымызды ұсынамыз.

TENGRINEWS: Геннадий, ашылуларыңызбен құттықтаймыз! Неліктен өнеркәсіп? Неліктен көмір бағыты?
Геннадий Головкин :

Рақмет. Мұнда таңғалатын ештеңе жоқ. Менің әкем 35 жыл өмірін шахтада өткізді. Біз адам еңбегі ерекше құрметтелетін жанұяда өстік, шахтерлер мен металлургтердің мамандығы ең құрметтісі. Осы саланы мен жақсы білемін, осы іске өмірін арнаған адамдарды, мамандарды танимын. Сонымен қатар, біз Қарағанды туралы, шахтерлердің астанасы, менің туған жерім жайлы айтып отырмыз. Аймақтың дамуына осындай кішігірім үлесімді қоса алатыныма қуаныштымын.

TENGRINEWS: Біз Головкинді спортшы ретінде білеміз, Ал инвестор Головкинге біз әлі үйренісе алмай жүрміз. Қаражатты қазақстандық жобаларға құю туралы ой қашан келді?
Г. Головкин :

Мен бұл туралы айттым. Мемлекет басшысы Нұрсұлтан Назарбаевтың барлығын ұрып, қайта орал деген сөзінен кейін пайда болды. Бокста әлі де үлкен мақсаттар бар, алайда қазірдің өзінде еліме үлес қосатын жағдайдамын деп ойлаймын және осылайша экономикаға инвестиция жасаймын. Спорт та мен үшін өз-өзімді танытатын дүние емес, мен үшін елімді лайықты түрде таныту, еліміздің туын көтеру маңызды. Сондықтан мұнда айырмашылық көріп тұрған жоқпын - бизнесте де, спортта да елімізге табыс әкелгім келеді.

TENGRINEWS: Кәсіпорын туралы қысқаша айтып берсеңіз, онда сіздің қатысыңыз жайлы?
Г. Головкин :

Мен өз қаражатымды осында құйып, акционерлердің бірі болдым. "Kaz Феррит" компаниясы көмір қайта өндірумен айналысады, яғни өндіріс толықтай заманауи технологияға өтеді. Менің білуімше, Қазақстанда көмір өндірумен айналысатын заманауи кәсіпорын жоқ, облыстағы зауыттар кеңес кезінде ашылған. Жаңа кәсіпорын 150 адамға жұмыс орнын ашады. Оның үстіне уақыт өте келе дамиды, қазірдің өзінде өндірісті кеңейту туралы жоспар құрып отырмыз. Болашақта бұдан да көп адамға жұмыс табылады. Осыған қуанамын.

TENGRINEWS: Отандастарымыз осы жаңалық пайда болғаннан кейін неліктен экологиялық қауіпсіз саланы таңдамадыңыз деп сұрады. Осы салада көмір өнеркәсібі ең қауіпсіз емес екені белгілі.
Г. Головкин :

Келіссөздердің басында біз осы сұрақты бірінші қойдық. Осы жобамен айналысуымызға "жасыл технологияны" қолдану себеп болды. Иә, біз көмірмен жұмыс істейміз, бірақ осыған дейін айтқанымдай, өндіріс толықтай технологиямен жабдықталған. Зиянды заттары аз, шаң-тозаңы аз, бұл өте маңызды, Су қайта өңделіп, пайдаланылады. Процессте қолданылған су қайта тазартылып, қайтадан қолданылады деген сөз. Мамандар мұны толықтай айтып жатар. Көп адамның қазіргі уақытта экологияға назар аударатыны қуантады. Бұл мен үшін маңызды мәселе.

TENGRINEWS: Шынымды айтсам, сізден осындай сөз естігенімізге таңбыз. Өз ісін бастағысы келетін танымал адамдар мейрамхана бизнесін немесе өз дүкенін ашуды таңдайды.
Г. Головкин :

Бастапқыда ұсыныс көп болды, оның ішінде шетелдік компаниялар да бар еді. Ұсыныстар әлі де түсіп жатыр. Неліктен қазақстандық кәсіпорынды таңдағаныма жауап беріп қойдым. Неге осылай болмасқа? Қазақстанда жағымды инвестициялық климат бар, жұмыс істеуге, осы елде дамығысы келетіндерге жағдайлар жасалып жатыр. Кейбір шалалықтар да бар шығар, бірақ олар түзеліп жатыр, ең бастысы түзетуге ниеттілер бар. Кемшіліктерді іздей берсек, ол барлық жақта бар. Біздің кәсіпорындарға ақша құюға болатынын дәлелдегім келеді. Бұл дұрыс болар еді.

TENGRINEWS: Спорттағы жолыңызды бизнесті жүргізумен қалайша үйлестіргіңіз келеді?
Г. Головкин :

Мұнда менің жобаның дамуына көмектесіп қана жатқанымды түсіну керек, бірақ жобамен кәсіби адамдар мен мамандар айналысады. Зауыттың ашылуы, бірінші кезекте солардың: жұмысшылардың, энтузиастардың, өз ісін сүйетіндердің арқасы. Мен оларды осы үлкен оқиғамен құттықтағым келеді және осы оқиғаға қуаныштымын. Ал өзім толықтай спорттағы мансап жолыма ден қоямын, жақын уақытта жаттығу басталады, келесі жекпе-жекке дайындаламын. Отандастарымда жақсы жекпе-жектеріммен қуантқым келеді.

TENGRINEWS: Рақмет, Геннадий! Сәттілік тілейміз!

Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай