Павлодар облысында жалған шот-фактураларды жазып берумен айналысқан ұйымдасқан қылмыстық топ әшкере болды. Олар Қазақстанға 500 миллион теңге залал келтірген. Бұл туралы қаржы мониторингі агенттігінің баспасөз қызметі мәлімдеді, - деп хабарлайды Tengrinews.kz тілшісі.
Павлодар облысы бойынша Экономикалық тергеп-тексеру департаменті іс жүзінде жұмыстар орындалмай, қызметтер көрсетілмей және тауарлар тиеп-жөнелтілмей жалған шот-фактураларды жазып берумен айналықан ұйымдасқан қылмыстық топ қызметінің жолын кесті.
"11 қатысушыдан тұратын ҰҚТ Павлодар қаласының аумағында 4 жыл бойы жосықсыз салық төлеушілерге салық төлеуден жалтаруға жәрдемдесу мақсатында әрекет еткен. Топ мүшелері бақылауындағы 20 жалған фирма арқылы жалған бухгалтерлік құжаттарды жазып берумен айналысқан", - деді қаржы мониторингі агенттігі өкілдері.
Кінәлілер 1,5 жылдан 6,5 жылға дейінгі мерзімге сотталғаны хабарланды. Мемлекет кірісіне 4 пәтер және 3 автокөлік тәркіленді. Олар мемлекетке 500 миллион теңгеден астам сомаға залал келтірген.
Посмотреть эту публикацию в Instagram
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
