1. Басты
  2. Біл
  3. Оқиға
  4. Қылмыс

Ақмола облысында аудан әкімінің орынбасары пара алды деген күдікке ілінді

Ақмола облысындағы аудан әкімінің орынбасары пара алды деген күдікке ілінді, - деп хабарлайды Tengrinews.kz тілшісі Сыбайлас жемқорлыққа қарсы қызметке сілтеме жасап.

Нұр-Сұлтан қаласының Сыбайлас жемқорлыққа қарсы қызметі Ақмола облысының аудан әкімінің орынбасарына қатысты сыбайлас жемқорлық қылмысын жасау күдігі бойынша сотқа дейінгі тергеуді бастады.

"Ол орындалған жұмыстардың актілеріне қол қойғаны мен жалпы қамқорлығы үшін 600 мың теңге сомасында пара алды деген күдікке ілінді. Алдын ала тергеу жалғасып жатыр. Күдіктіге қатысты оның кінәсінің дәрежесін анықтаумен түпкілікті шешімді сот қабылдайды", - делінген хабарламада.

Өзге ақпараттың тергеу мүддесіне байланысты жарияланбайтыны айтылады.

Қазақстан жаңалықтары. Соңғы жаңалықтар. Telegram желісінде бізге жазыл!