Алматыда өз отандасын жезөкшелікпен айналысуға мәжбүрлеген Қырғызстан азаматшасы ұсталды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Полицейлердің хабарлауынша, 32 жастағы әйел "Керемет" ықшамауданындағы үйлердің бірінде ұсталды. Қылмыстық іс материалдары бойынша, ол Бішкек қаласының 18 жастағы тумасын жезөкшелікпен айналысуға итермелеген. Оның мұндай іспен айналысқаны ұйымдасқан қылмысқа қарсы күрес басқармасы мен Бостандық аудандық инспекторы жүргізген жедел іс-шара барысында анықталды.
Бұл дерек сотқа дейінгі тергеудің бірыңғай реестріне ҚР ҚК 308-бабы "Жезөкшелiкпен айналысуға тарту" бойынша тіркелді. Тергеу амалдары жүріп жатыр.
