1. Басты
  2. Біл
  3. Оқиға
  4. Қылмыс

Алматы әуежайында қыз бала темекі қорабына есірткі салып өтпекші болған

© Тengrinews.kz © Тengrinews.kz

Алматы қаласы әуежайының Авиациялық қауіпсіздік қызметі темекі қорабынан есірткі тапты. Бұл туралы Алматы әуежайының өкілдері мәлімдеді, - деп хабарлайды Tengrinews.kz тілшісі. 

14 сәуірде 06:40-та Алматы қаласының халықаралық әуежайының Авиациялық қауіпсіздік қызметі ұшу алдындағы тексеріс барысында "Алматы-Дубай" рейсінің жолаушысы 1996 жылғы қыз баланың темекі қорабынан ақ түсті белгісіз затты (болжам бойынша, синтетикалық жолмен жасалған есірткі заты) тапты.

Осы дерек бойынша, құқық қорғау органдарына хабар берілді. Қыз бала Алматы әуежайының ішкі істер тізбекті бөліміне тапсырылды. 

Тәркіленген зат сараптамаға жіберілген. Қазіргі уақытта ұсталған қазақстандық қызға қатысты бұлтартпау шара тағайындау мәселесі шешіліп жатыр.