+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы метросының станциясын "жармақшы" болған күдікті ұсталды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Алматы метросының станциясын "жармақшы" болған күдікті ұсталды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Баспасөз қызметінің мәліметінше, күдікті - қаланың 17 жастағы тұрғыны. Ол бұл қылмысты бұзақылық ниетте жасаған.
"Бұл дерек сотқа дейінгі бірыңғай реестрге Алматының Жетісу аудандық ішкі істер басқармасында ҚР ҚК 273-бабы бойынша тіркелді. Тергеу амалдары жүріп жатыр", - делінген хабарламада.
Еске сала кетейік, бұған дейін Алматы метросының "Райымбек батыр" станциясында адамдардың эвакуацияланғаны хабарланған болатын. Алматыда жарылғыш зат қойылды делінген хабарламадан кейін Фурманов көшесі мен Райымбек даңғылының қиылысында орналасқан станциядағы адамдар қауіпсіз аймаққа шығарылды. Оқиға орнына полиция қызметкерлері, сонымен қатар өрт сөндіру қызметі мен жедел жәрдем қызметкерлері келді. Метрополитеннің басқа да станциялары қоршауға алынды.
