+7 (777) 001 44 99
Қазақша
Русский
English
Қазақша
Русский
English
Алматы облысында қатыгездікпен өлтірілген косметолог Батура Мамедованың ісіне қатысты сот үкімі шықты, - деп хабарлайды КТК телеарнасы.
Телеарнаның мәліметінше, Жангелді Қобыланов пен Айдана Береноваға қарақшылық және адам өлтіру баптары бойынша айып тағылған. Кінәлі деп танылған екеудің сотта 40 жастағы келіншекті жауыздықпен өлтіргені толық дәлелденді.
28 жастағы Жангелді Қобыланов 17 жылға, ал 27 жастағы Айдана Беренова 16 жылға бас бостандығынан айырылды. Олар - азаматтық некедегі ерлі-зайыпты.
Сот процесінде соңғы сөз алған Жангелді Қобыланов туыстарынан кешірім сұрап, кінәсін мойындады. Ал Айдана Беренова бұл жолы да басын алып қашып, қылмысты жасырғанына өкінетінін айтты. Марқұмның туыстары сот үкімін әділ болды деп есептейді екен.
Алматы облысында косметологты өлтірді деп айыпталған жұп: Ақша үшін емес, абайсызда болды
Еске салайық, оқиға Алматы облысында биыл мамырда болған еді. Із-түссіз жоғалған сұлулық салонының қызметкері Батура Мамедованың денесі үш аптадан соң көрші ауданнан табылған. Кейін күдікті ретінде азаматтық некедегі ерлі-зайыпты ұсталған болатын. Тергеу мәліметі бойынша, қылмыскер мәйітті бір түн бойы көлігінде сақтаған. Барлық дәлелдің көзін жою үшін қан болған жейдесі мен марқұмның заттарын қоса өртеп, алтын алқаны сатып жіберген.
