1. Басты
  2. Біл
  3. Оқиға
  4. Қылмыс

Алматы облысында өлтірілген косметологтың ісіне қатысты жаңа дерек шықты

Өлтірілген косметолог Өлтірілген косметолог

Алматы облысында қатыгездікпен өлтірілген косметолог Батура Мамедованың ісіне қатысты жаңа дерек шықты, - деп хабарлайды КТК.

Телеарнаның мәліметінше, Батура Мамедованы өлтіргендер судьяның қатесін тауып, істі қайтартқан. Сондықтан Батура Мамедованың ісіне қатысты сот қайта басталады.

Атышулы іс бойынша былтыр үкім шығып, ерлі-зайыпты ұзақ мерзімге сотталған болатын. Алайда сотталғандар судьяның жіберген қатесін тауып, істі қайтаруды талап еткен.       

28 жастағы Жангелді Қобыланов 17 жылға, ал 27 жастағы Айдана Беренова 16 жылға бас бостандығынан айырылған болатын. 

Алматы облысында косметологты өлтірді деп айыпталған жұп: Ақша үшін емес, абайсызда болды

"Сот мәжілісінде жәбірленуші жақ "біз қазақша түсінбейміз" деп айтқандықтан, осы істі қараған судья орысша жүргізген. Бірақ сотталушыларға аудармашы қатыстырылған", - деді Мұхитдин Тоқтахунов.

Косметологтың туыстары болса, апелляциялық шағым түсіретінін айтады. Жоғарғы Сотқа шағым түсіреміз дейді.

Еске салайық, бұл оқиға былтыр маусымда болған еді. Кешке жұмысынан шыққан косметолог келіншекті такси жүргізушісі мен әйелі пышақтап, мәйітін ауыл шетіне көміп кеткен еді. Сот үкімімен ерлі-зайыпты 16 және 17 жылға сотталған болатын.