13 қараша 2017 | 13:56

Алматыда арнайы операция кезінде ұсталған күдіктілер көлігінің суреттері жарияланды

Мөлдір Қалықова

Алматыда арнайы операция кезінде ұсталған күдіктілер көлігінің суреттері жарияланды, - деп хабарлайды Tengrinews.kz тілшісі.

Алматыда арнайы операция кезінде ұсталған күдіктілер көлігінің суреттері жарияланды, - деп хабарлайды Tengrinews.kz тілшісі.

Жалғасы

■

Алматыдағы арнайы операция: Полиция брондалған көлікке сегіз рет оқ атқан

15 ақпан 2018, 12:34

Суреттерден қара түсті Toyota Land Cruiser көлігінің (алматылық нөмірмен) алдыңғы әйнегінің қатты бүлінгенін көруге болады. Алдын ала болжам бойынша, онда оқ атылған. Сондай-ақ, алдыңғы дөңгелегінің желі шығып кеткені көрініп тұр.

Көліктің жанында ұсталғандардың бірі отыр. Ал екінші күдікті көліктің жүксалғышы жағында тұр. Ал жерде автомат пен бронды кеудеше жатыр.

Қалалық ІІД баспасөз қызметінің мәліметінше, 2017 жылдың 12 қарашасында шамамен сағат 23.00-де Алматы қалалық ІІД Ұйымдасқан қылмыстық топпен күрес басқармасының қызметкерлері Бостандық ауданында арнайы операция жүргізіп, Оңтүстік Қазақстан облысының 1994 және 1969 жылғы тұрғындарын ұстады. Ұсталғандардың көліктерін тексеру барысында жарық-дыбыстық автомат, пышақ, сондай-ақ, бронды кеудеше тәркіленді.

"Екі күдіктінің де осыған дейін қару, есірткі сақтағаны үшін және алаяқтық үшін қылмыстық жауапкершілікке тартылғаны анықталды. Бұл дерек сотқа дейінгі бірыңғай тергеу реестріне тіркелді. Жедел-тергеу шаралары барысында қарудың қандай мақсатта сақталып, тасымалданбақшы болғаны, сондай-ақ, олардың Алматы аумағында және республика бойынша тағы қандай қылмыстарға қатысы бар екені анықталатын болады", - деп хабарлады қалалық ІІД өкілдері.

Еске сала кетейік, осыған дейін Алматыдағы арнайы операция жүргізіліп, екі адамның ұсталғаны жайлы хабарланған болатын. Куәгерлер қалада атыс болғаны жайлы хабарлап, оқиға орнынан суреттер мен видеолар жариялаған еді.

Құқық қорғау органдары Төтенше жағдай Алматы