+7 (777) 001 44 99
ПОДЕЛИТЬСЯ
Алматыда ерлі-зайыпты балаға таласып, жанжал шығарды. Ажырасып кеткен әйел адам бұрынғы күйеуінен баласын тартып алмақшы болған. Салдарынан ер адам ауруханға түсті, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Алматыда ерлі-зайыпты балаға таласып, жанжал шығарды. Ажырасып кеткен әйел адам бұрынғы күйеуінен баласын тартып алмақшы болған. Салдарынан ер адам ауруханға түсті, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Оқиға кеше, 13 мамырда болған. ІІД ресми өкілі Салтанат Әзірбектің айтуынша, полицияға "Мамыр" ықшамауданынан шақырту түскен. Ер адам басы жарақаттанып, есінен танып қалған.
Оқиға орнына жедел жәрдем мен полиция шыққан. ІІД мәліметінше, бастапқыда атыс болды деген хабар тараған. Алайда бұл мәлімет расталмады, себебі ешкім оқтан жарақат алмаған. Ал ер адамның басына битамен соққы жасалған.
Сөйтсек, оқиға орнында отбасылық жанжал шығыпты. Ажырасқан ата-ана балаға таласыпты.
Бұл мекенжайда баланың әкесі, інісі және баланың өзі тұрады екен. Әкесі жоқта әйелі баланы тартып алу үшін нөмірі жоқ Mercedes Gеlendwagen көлігімен екі ер адамды ертіп әкелген. 2017 жылғы баланың әкесі шешесі келгенде үйде болмаған.
Сосын үйге әкесі шақыртылып, олар жанжал бастаған. Бұдан кейін әйелмен бірге келген ер адамдардың бірі көліктен битаны алып, баланың әкесіне соққы жасаған. Ер адам талып қалған, ал әйел мен екі ер адам қашып кеткен.
"Бұл дерек сотқа дейінгі тергеулердің бірыңғай реестріне ҚР Қылмыстық кодексінің 106-бабы бойынша тіркелді, зардап шеккен адам №7 қалалық ауруханаға жеткізілді, ол есін жиып, одан жауап алынып жатыр. Арнайы жедел-тергеу тобы құрылып, күдіктілерді ұстау жоспары жарияланды", - деп хабарлады Салтанат Әзірбек.
