ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаменті ҚР Жоғарғы сотының ішкі қауіпсіздік бөлімімен бірлесіп, Алматы қаласы сотының пара алу фактісін анықтады, - деп хабарлайды Хабар 24 тілшісі.
"Сот делдал, яғни Алматы қаласы аудандық сот отырысының хатшысы арқылы өз өндірісіндегі азаматтық іс бойынша мәселенің оң шешілуі үшін 3 000 АҚШ доллары мөлшерінде пара алғаны үшін күдікке ілінді. Тергеу амалдары жалғасып жатыр", - деді агенттіктегілер.
Ұсталған күдіктіге қатысты соңғы үкімді оның кінәлілік дәрежесін анықтай отырып, сот шығарады.
