Алматы полициясы ер адамдардың тапанша ұстап төбелескен видеосына қатысты түсінік берді, - деп хабарлайды Tengrinews.kz тілшісі.
Жанжалдың видеосы әлеуметтік желілерде пайда болған. Қатысушылардың бірі тапаншаға ұқсас зат ұстаған.
Ескерту, видеода былапыт сөз айтылады!
Посмотреть эту публикацию в Instagram
Полиция өкілдерінің сөзінше, Қылмыстық кодекстің 293-бабының 3-бөлігі бойынша соталды тергеу жүргізіліп жатыр.
"Таныс адамдар арасында қақтығыс болғаны анықталды. Олардың бірі газ тапаншасын қолданған. Абырой болғанда, ешкім зардап шеккен жоқ. Күдікті - 1989 жылы туған ер адам ұсталды. Сотталушының айтуынша, ол қылмыс құралын лақтырып жіберген, бұл факт тексеріледі. Тергеу жалғасып жатыр", - деді Алмалы аудандық полиция басқармасының бастығы Есен Ысқақов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!