Ақмола облысында таныс қызын ұрды деген күдікпен бір адам ұсталды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Оқиға 11 желтоқсанда болған. 28 жастағы жәбірленушінің айтуынша, таныс ер адам оны қала сыртына алып шығып, ұрып-соққан, сонымен қатар қорқытқан. Болған оқиға жайлы қыз құқық қорғау органдарына хабар береді.
"Жедел-іздестіру шарасы барысында полиция қызметкерлері бұл заңбұзушылықты жасады деген күдікпен Солтүстік Қазақстан облысының Талшық ауылының 35 жастағы тұрғынын ұстады", - делінген баспасөз хабарламасында. Полицейлердің айтуынша, қазіргі уақытта күдікті өз қылмысын мойындады, ол қызды жай ғана қорқытқысы келгенін айтқан.
Полицейлер осы дерек бойынша ҚР ҚК 112-бабымен қылмыстық іс қозғады. Тергеу жүргізіліп жатыр.
