Ақтөбеде оқушы қызды пәктігінен айырды делінген күдікті 5 жылға бас бостандығынан айырылуы мүмкін

Мөлдір Қалықова

Ақтөбеде 8-сынып оқушысының пәктігінен айырылу дерегі бойынша сотқа дейінгі тергеу басталды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Ақтөбеде 8-сынып оқушысының пәктігінен айырылу дерегі бойынша сотқа дейінгі тергеу басталды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Полицейлердің мәліметінше, қазіргі уақытта ҚР Қылмыстық кодексінің 122-бабы бойынша ("Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау") тергеу жүргізіліп жатыр. 19 жастағы күдікті қаладан шықпау туралы қолхатпен жүр.

"Кәмелетке толмаған қыздың анасы арыз қалдырды. Қазіргі уақытта сараптамалар тағайындалды, қорытындысы бойынша қандай шаралардың қолданылатыны белгілі болады", - деді баспасөз қызметіндегілер.

Еске сала кетейік, осыған дейін Ақтөбеде 4 күн бұрын жоғалған оқушы қыздың пәктігінен айырылғаны белгілі болған еді. Ақтөбе әкімдігіне қарасты кәмелетке толмағандар және олардың құқығын қорғау істері жөніндегі комиссияның хатшысы Ботагөз Бисенованың айтуынша, қыздың ата-анасы бар, ақтөбелік мектепте 8-сыныпта оқиды. Ол тамызда 15 жасқа толады.

Әлеуметтік желі Құқық қорғау органдары Сот төрелігі Зорлау Балалар Ақтөбе облысы