"Астана-Зеленстрой" ЖШС бас директоры Айбар Наурызәлі 9 миллион теңге пара алды деген күдікке ілінді. Ол өз кінәсін толық мойындаған. Бұл туралы сыбайлас жемқорлыққа қарсы қызметтің баспасөз қызметі хабарлады, - деп хабарлайды Tengrinews.kz тілшісі.
"Сыбайлас жемқорлыққа қарсы қызмет "Астана-Зеленстрой" ЖШС бас директоры Айбар Наурызәліге қатысты пара алу дерегі бойынша қылмыстық істі тергеуді аяқтады.
Наурызәлі биыл 2 қыркүйекте "Табиғат НС Сервис" ЖШС директоры С. Карловадан Астана қаласының Алматы және Есіл аудандарын көгалдандыру бойынша Мемлекеттік сатып алу туралы шарттар бойынша орындалған жұмыстар актілеріне кедергісіз қол қойғаны үшін 9 миллион теңге сомасында ақшалай қаражат алды деп күдіктенеді", - делінген хабарламада.
Антикор мәліметінше, Наурызәліге тағылған айыптар арнаулы жедел іздестіру іс-шарасы, жасырын тергеу әрекеттерінің материалдарымен, куәгерлердің айғақтарымен және т. б. расталады.
"Наурызәліні ҚР ҚПК-нің 128-бабы тәртібінде процестік ұстау кінәні толық мойындауға байланысты қолданылмады", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
