Астанада 42 жастағы әйел сейфтен 10 миллион теңге ұрлап кеткен

12 Желтоқсан 2017, 11:03
1
Астанада 42 жастағы әйел сейфтен 10 миллион теңге ұрлап кеткен -

Астаналық полицейлер ірі сомадағы қаржыны ұрлаған күдіктіні ұстады, - деп хабарлайды елорда әкімдігінің медиа орталығы Астана қалалық ІІД баспасөз қызметіне сілтеме жасап.

Астана қалалық Ішкі істер департаментіне бір ЖШС-тің басшысы 7 желтоқсанға қараған түні белгісіз біреу сейфтен ақша ұрлағаны туралы арызбен келген. 

"Қылмысты ашу үшін арнайы жедел-тергеу тобы құрылып, қылмыскерді қолға түсірудің кешенді шарасы қарастырылды. 10 желтоқсан күні Павлодардағы жедел-іздестіру іс-шарасында Астана полицейлері 42 жастағы әйелді ұстады", - деп хабарлады полицейлер.

Тергеу барысында қолға түскен азаматша сәйкес келген кілтпен сейфті ашып, 10 миллион теңге көлемінде ақшаны ұрлағаны туралы куәлік берді.

Аталған дерек ҚР ҚК 188-бабындағы 4 тармақ бойынша сотқа дейінгі тергеу жұмыстарына тіркелді. Қолды болған заттар иесіне қайтарылып, тергеу жүргізіліп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай