+7 (777) 001 44 99
ПОДЕЛИТЬСЯ
Әлеуметтік желілерде таралған видеороликтегі әйел адамның аты-жөні анықталды, - деп хабарлайды Tengrinews.kz тілшісі. Астананың ІІД әкімшілік полиция басқармасының өкілдері видеоны зерттеп, оқиғаның 20 қазанда болғанын анықтаған.
Әлеуметтік желілерде таралған видеороликтегі әйел адамның аты-жөні анықталды, - деп хабарлайды Tengrinews.kz тілшісі. Астананың ІІД әкімшілік полиция басқармасының өкілдері видеоны зерттеп, оқиғаның 20 қазанда болғанын анықтаған.
Құқық қорғау органдарының мәліметінше, 20 қазанда шамамен 07.45-те әйел адам баласымен бірге № 66 орта мектептің маңында рұқсат етілмеген жерден өтпек болған, ол жол-патрульдік полициясы қызметкерінің ескертуіне құлақ аспаған. Полицей бұл уақытта "Ескерту - жаяу жүргінші!" республикалық акциясының аясында жол-қозғалысы ережелерінің алдын алу бойынша қызмет жасап жатқан.
Әйел адамның баласын мектепке апарғаннан кейін рұқсат етілмеген жерден жолды тағы да кесіп өткені хабарланды. Жол-патруль полициясының инспекторы одан құжатын көрсетуді сұрап, Әкімшілік құқық бұзушылықтар кодексінің 615-бабы бойынша хаттама толтырғысы келген.
"Алайда ереже бұзған әйел полиция қызметкерінің құжатты көрсету туралы заңды талабына қарсы болған, бұдан кейін жол-патрульдік полициясының инспекторы рұқсат етілмеген жерден өткені үшін әйелді әкімшілік жауапкершілікке тарту үшін шара қолданған", - делінген полиция хабарламасында.
Айта кетейік, әйелді ұстау сәті бейнеленген видео әлеуметтік желілерде таралды. Әлеуметтік желінің кейбір қолданушылары полицейдің тәртібіне наразы болған еді.
