Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Астанада "Таблиғи Жамағат" қозғалысының жақтаушылары сотталды

18 Ақпан 2016, 13:07
1
© Tengrinews.kz
© Tengrinews.kz

Астанада "Таблиғи Жамағат" қозғалысының жақтаушыларына қатысты жаза кесілді, - деп хабарлайды Tengrinews.kz тілшісі сот залынан.

Бүгін Астананың №2 Сарыарқа аудандық соты "Таблиғи Жамағат" діни-экстремистік ұйымына қатысы бар деп айыпталған бес адамға үкім шығарды.

Судья Үнсін Мұханғалиева төрт сотталушы: Құбайдулла Төлебаевқа, Нұржан Нұрәділовке, Болатбек Қожагелдинов пен Ерболат Омарбековке екі жылға бас бостандығынан айыру жазасын кесті. Олар жазаны жалпы режимдегі колонияда өтейді. Сот оларға ҚР Қылмыстық кодексінің 405-бабы 1-бөлігі - "Қоғамдық немесе дiни бiрлестiкке не өзге де ұйымға қатысты олардың экстремизмдi немесе терроризмді жүзеге асыруына байланысты қызметiне тыйым салу немесе тарату туралы заңды күшiне енген сот шешiмi бола тұра, олардың қызметiн ұйымдастыру" бойынша үкім шығарды.

Ал Халамбахи Халым екі жыл алты ай мерзімге сотталды. Ол да жазасын жалпы режимдегі колонияда өтейді. Оған ҚР Қылмыстық кодексінің 105-бабы 2-бөлігі - "Қоғамдық немесе дiни бiрлестiкке немесе өзге де ұйымға қатысты олардың экстремизмдi немесе терроризмді жүзеге асыруына байланысты қызметiне тыйым салу немесе тарату туралы заңды күшiне енген сот шешiмi бола тұра, олардың қызметiне қатысу" бойынша үкім шығарылды.

Айта кетейік, бұған дейін мемлекеттік айыптаушы төрт сотталушының әрқайсысын төрт жылға, ал бесінші сотталушы - Халамбахи Халымды бес жылға бас бостандығынан айыруды сұраған болатын.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай