Атырау облысында шенеунік пара алды деген күдікке ілінді

25 Тамыз 2018, 17:38
0
Атырау облысында шенеунік пара алды деген күдікке ілінді - Видеодан алынған сурет
Видеодан алынған сурет

Атырау облысында лауазымды тұлға пара алды деген күдікке ілінді, - деп хабарлайды Tengrinews.kz тілшісі Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі Нұрлан Жахинге сілтеме жасап. 

Атырау облысындағы Сыбайлас жемқорлыққа қарсы күрес жөніндегі ұлттық бюросының өкілдері жедел іздестіру іс-шараларын жүргізу барысында Орман және жануарлар дүниесі аумақтық инспекциясының теңіз бөлімшесінің басшысының пара алғанын анықтады. 

"Ол жүйелі түрде заңсыз бекіре тұқымдас балықтарды аулау үшін теңізге шығуды қамтамасыз еткені үшін 400 мың теңге көлемінде пара алды деген күдікке ілінде. Ақшалай соманы ол жүргізушісі арқылы алған", - деп хабарлады Нұрлан Жахин. 

Бөлім басшысы мен жүргізушісі кінәсін мойындады. Кінәні мойындау туралы келіссөздер жүргізілді. Сондықтан бұлтартпау шаралары қолданылмағаны айтылады. Тергеу амалдары әлі жүргізіліп жатыр. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай