+7 (777) 001 44 99
Қазақша
Русский
English
Атырауда прокурордың бұрынғы көмекшісіне өз-өзін өртеу әрекетінен кейін бұлтартпау шарасы қатаңдатылды, - деп хабарлайды Tengrinews.kz тілшісі.
Облыстық соттың баспасөз қызметі мемлекеттік айыптаушының шағымы бойынша өз-өзін өртеуге тырысқан әйелдің екі айға қамауға алынғанын хабарлады.
Қазіргі уақытта әйел ауруханада. Сондықтан сот отырысына қатыспады. "Ал үкім жылдам орындалуға тиіс болғандықтан, айыпталушы арнайы палатаға ауыстырылып, күзетке алынады", - дейді ведомство өкілдері.
Еске салайық, Атырау облысы прокурорының бұрынғы көмекшісі 2016 жылдың тамызынан бері үй қамауында болған еді. Ол ұсталғандардың, қамауға алынғандардың және қылмыстық жаза өтеп жатқандардың құқықтарын сақтау саласында жұмыс істеген. Ол ҚР Қылмыстық кодексінің 366-бабында ("Пара алу") қарастырылған қылмыс жасады деген күдікке ілінген. Смадиярова өзіне тағылған айыптармен келіспей, жала жабылды деген еді.
Кейін, 31 қаңтарда денесін күйік шалған 37 жастағы Самдярова ауыр жағдайда облыстық ауруханаға жеткізілген болатын.
