+7 (777) 001 44 99
Қазақша
Русский
English
Қазақша
Русский
English
БҚО-да Жанғалы мектеп-гимназиясының директоры мектеп оқушысына өгей әкесі жыныстық сипаттағы әрекет жасағанын біле тұра жасырды деген күдікке ілінді. Ол қызметінен босатылып, үй қамауына алынды, - деп хабарлайды Tengrinews.kz тілшісі "Мой город" басылымына сілтеме жасап.
Құқық қорғау органдары оқу орнының басшысы қыздың отбасында болған жағдайды біле тұра хабарламады деп күдіктенеді.
Оқиға 2019 жылы болған. Сол кезде 10 жаста болған мектеп–гимназиясының оқушысына өгей әкесі жыныстық сипаттағы әрекет жасаған. Ол үшін қамауға алынды. 2020 жылы ер адам 20 жылға бас бостандығынан айырылды.
Жақында "МГ" редакциясына мектеп-гимназия директорының туыстары хабарласып, оны қамауға алынғанын және жауапқа тартылуы мүмкін екенін айтқан. Тергеушілер мектеп басшысы мен мұғалімдерінен оқушыға зорлық-зомбылық жасалғанын білді және ол туралы құзырлы органдарға хабарламады деп күдіктенеді.
Күдіктінің адвокаты Айслу Биялиеваның айтуынша, айыптау тек жәбірленуші қыздың сөзіне негізделген және кез келген мұғалім бұл жағдайға тап болуы мүмкін.
"Мектеп директорын демалыс кезінде мектептен тыс уақытта жасалған қылмыс үшін жауапқа тартқалы жатыр. Тергеу барысында қыз 2019 жылдың сәуірінде Жаңғалы мектеп-гимназиясының мұғалімдеріне анасының азаматтық некедегі күйеуі қысым көрсеткенін хабарлағанын айтты. Полиция директор мен мектеп-гимназияның тағы төрт мұғалімінен жауап алды. Олар қыздың сөздерін толығымен жоққа шығарды. Олар айғақтарын сотта да растады", - деді Айслу Биялиева.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
