Қарағанды облысында ұрланған бала өлі табылды

08 Қыркүйек, 14:02
0
Қарағанды облысында ұрланған бала өлі табылды -

Қарағанды облысында ұрланған 3 жасар бала өлі табылды, - деп хабарлайды Tengrinews.kz тілшісі. Баланың қайтыс болғаны туралы ақпаратты туыстары растады.

"Бізге полициядан қоңырау шалып, Максим өлі табылды деп хабарлады. Басқа ештеңе білмейміз. Қазір сол жерге бара жатырмыз", - деді баланың туысы.

Ауылдастардың айтуынша, баланың денесі ауылда, тұрғын үйлердің бірінің қасында табылған. Мұның алдында бұл жерлерді полиция қызметкерлері іздестіру иттерімен бірге тінтіген. Алайда, тексеру кезінде бала табылмаған. Оның денесін түнде әкелді деген болжам бар.

"Дәрігерлер денені тексеріп жатыр. Оны тұншықтырған сияқты. Бірақ нақты жауапты әрине, сарапшылар айтады", - дейді куәгерлер.

Полиция департаментінің баспасөз қызметіндегілер жағдайдың мән-жайын кейін айтуға уәде берді.

Еске салсақ, мұның алдында Шет ауданының Бұрма ауылында үш жасар бала ұрланғаны мәлім болған. Оны анасының қолынан 23 жастағы ер адам жұлып алып кеткен. Қаскөй бұған дейін де сотты болған. Ұрланған баланың туған-туыстарының ақпаратына сәйкес, ер адам сәбидің анасын бопсалап, онымен қарым-қатынас жасауды талап еткен. Ал келісім алмаған соң, ол ұлын ұрлап кеткен. Аталған дерек бойынша облыстың ішкі істер органдарының барлық жеке құрамы жұмылды. Соталды тергеу ҚР ҚК 125-бабы 2-бөлігі 5-тармағы бойынша жүргізілді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай