Реклама +7(700) 388 81 09
  1. Басты
  2. Біл
  3. Оқиға
  4. Қылмыс

Қарағандылық келіншекті пышақтап, орманға жасырды деген күдіктіге сот үкімі шықты 12 қыркүйек 2022, 10:57

Қарағандының орман алқабында өлі күйінде табылған Анастасия Шевякованы өлтірді деген 26 жастағы әйелге сот үкімі шықты, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Анастасия Шевякова Анастасия Шевякова

Қарағандының орман алқабында өлі күйінде табылған Анастасия Шевякованы өлтірді деген 26 жастағы әйелге сот үкімі шықты, - деп хабарлайды Tengrinews.kz тілшісі.

Айыпталушыға қатысты қылмыстық іс Қарағанды ​​облысының қылмыстық істер жөніндегі мамандандырылған ауданаралық сотында қаралды. Ол судья Қайрат Қасимовтың қарауына биыл шілдеде түскен.

Тергеушілердің айтуынша, сотталушы Анастасия Шевякованы қызғаныштан өлтірген. 

Сот талқылауы барысында сотталушының кінәсі толық дәлелденген. Жиналған дәлелдемелер мен сотталушының мойындауын ескере отырып, оны 99-баптың 2-бөлігінің 5-тармағы "Аса қатыгездікпен жасалған кісі өлтіру" бойынша кінәлі деп таныды.

"Сот сотталушыны 15 жылға бас бостандығынан айыру жазасын орташа қауіпсіздіктегі түзеу мекемесінде өтеу туралы үкім шығарды", - деп хабарлады Қайрат Қасымов үкімді.

Марқұмның туыстары сот үкіміне қанағаттанған. Алайда олар мәйітті сотталушының жалғыз өзі шығарғанына күмән келтірді.

"Оған біреу көмектесті деп ойлаймыз. Бірақ біз оны дәлелдей алмаймыз. Үкімге шағымданбаймыз. Ол әділ жазасын алды деп есептейміз. Анастасияның ұлы әкесінің жанында, ал қызына қамқоршылық жасалды", - деді марқұмның туыстары.

Еске салайық, 27 наурызда Қазыбек би ауданындағы орман алқабында 5 наурызда із-түзсіз жоғалып кеткен 27 жастағы қарағандылық Анастасия Шевякованың денесі табылған болатын.

Оны өлтірді деген күдікпен 26 жастағы қала тұрғыны ұсталды. Ол жанжал кезінде марқұмды пышақтап, қылмысын жасыру үшін мәйітті орман белдеуіне алып кеткенін мойындаған болатын. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram