Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қарсы бағытпен жүрген "комитетчик" жауапқа тартылмайды

24 Сәуір 2014, 18:21
0
©Youtube.com/Almaty Avtoregistrator
©Youtube.com/Almaty Avtoregistrator

Алматыда көлігімен қарсы бағытқа шығып кетіп, жол ережесін бұзған, өзін "комитетчикпін" деп таныстырып, өзгелерді балағаттаған жүргізуші жауапқа тартылмайды, - деп хабарлайды Tengrinews.kz тілшісі қалалық ішкі істер департаментінің баспасөз қызметіне сілтеме жасап.

Полицияның түсіндіруінше, оқиға 2013 жылдың 14 мамырында болған. "Ескіру мерзімінің өтіп кетуіне байланысты ол құқық бұзушылығы үшін әкімшілік жауапкершілікке тартылмайды, жүргізушімен профилактикалық әңгіме жүргізілді", - делінген хабарламада. 

Қуат Әбдірахманов жұмыс істейтін "Кар-Тел" ЖШС өкілдері де бұл оқиға бойынша қызметкермен "қатаң әңгіме" жүргізетінін хабарлады. Фирма өкілі Алексей Бендзь жанжал туралы бұқаралық ақпарат құралдарынан білгенін айтты. Әбдірахманов компанияға 2013 жылдың қараша айында орналасқан. Қазір бұл дерек бойынша қызметтік тексеріс жүргізіліп жатыр, оның нәтижесі бойынша тиісті шаралар қолға алынады. Фирма өкілінің айтуынша, Әбдірахмановтың машинасындағы нөмір жалған емес, ал қызметкер жұмысқа қабылданған кезде қатаң тексерістен өткен, ол бұрын сотталмаған. Әріптестерінің айтуынша, ол сыпайы, жауапкершілігі мол, ісіне тиянақты адам.

Бұған дейін Қуат Әбдірахмановты Алматы полицейлерінің ұстағаны хабарланған болатын. ҚР ҰҚК Шекара қызметінің мамандары оның өз органдарында жұмыс істемейтінін мәлімдеді. Әбдірахмановтың қарсы бағытқа шығып кетіп, өзін "комитетчикпін" деп таныстырғаны түсірілген бейнежазба Youtube порталына 2013 жылдың мамырында орналастырылған. Бірақ ол бұқаралық ақпарат құралдарының назарына жуырда ғана ілікті.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай