![](/userdata/news_kk/2017/news_276855/thumb_b/photo_33890.jpeg)
Қайтыс болған оқушы Темірұлан Диханбаевтың туыстары мектеп мұғалімдерін және баланың өліміне күдікті деп танылған жасөспірімнің ата-анасын сотқа береді. Бұл туралы "Астана" телеарнасына телефон арқылы баланың ағасы Бауыржан Мусин хабарлаған. Оның айтуынша, күдіктінің ата-анасы да, Темірұланның сыныптасы да әлі күнге келіп, кешірім сұрамаған.
Қайтыс болған оқушы Темірұлан Диханбаевтың туыстары мектеп мұғалімдерін және баланың өліміне күдікті деп танылған жасөспірімнің ата-анасын сотқа береді. Бұл туралы "Астана" телеарнасына телефон арқылы баланың ағасы Бауыржан Мусин хабарлаған. Оның айтуынша, күдіктінің ата-анасы да, Темірұланның сыныптасы да әлі күнге келіп, кешірім сұрамаған.
"Бұл балаға қатысты қылмыстық істің тоқтатылғаны туралы қаулыны алғаннан кейін. Сол кезде азаматтық тәртіпте оның ата-анасын, мектепті, дәрігерлерді сотқа беріп, олардан өтемақы өндіріп аламыз. Ақша үшін емес, жауапкершілік болсын деген ойымыз. Бізге ақша керек емес, ақшаны балалар үйіне береміз", - деп мәлімдеді марқұмның ағасы.
Ал осыған дейін Қазақстан Республикасы ІІМ баспасөз қызметі Темірұлан Диханбаевтың өліміне оны ұрған оқушының кінәсі бары анықталғанын хабарлаған еді.
"Өткен жылы 30 қарашакүні Астана қаласындағы №59 мектепте қайғылы оқиға болды. Мұғалім жоқ кезде өзара келіспей қалған сегізінші сынып оқушысы өз сыныптасын бірнеше рет ұрып жіберген. Соның салдарынан оқушы есінен танып қалып, көп өтпей қаза тапқан. Сотқа дейінгі тергеу барысында қажетті сот сараптамалары жүргізілді. Нәтижесінде Темірұлан Диханбаевтың өліміне оны ұрған оқушының кінәсі бары анықталды", - делінген хабарламада.
Сондай-ақ, ауыр қылмыс жасағандар қолданыстағы заңға сәйкес 14 жастан бастап қылмыстық жауапкершілікке тартылатыны айтылады. Күдікті құқықбұзушылық жасаған кезде 14 жасқа толмаған. Сондықтан оған қатысты сотқа дейінгі тергеу тоқтатылады екен.
Сонымен бірге, тергеу барысында мұғалімдер мен медициналық қызметкерлердің кінәсі бар-жоғын анықтау шаралары жүргізіліп жатыр, деп түсіндірді Мемлекеттік тіл және ақпарат департаментінің директоры Алмас Сәдубаев.
Ал осыған дейін ішкі істер министрі Қалмұханбет Қасымов Астанада №59 мектеп-лицейде оқыған Темірұлан Диханбаевтың өліміне қатысы бар делінген оқушыға қатысты тергеудің аяқталатынын мәлімдеген еді.
"Қайтыс болған 8-сынып оқушысының өліміне қатысты сараптаманы алдық, енді қазір шешім қабылдаймыз. Әрине, осы өлімге қатысы бар делінген балаға қатысты тергеу аяқталады, бірақ мұғалімдерге қатысты не істейтінімізді көреміз, тексеріс жүргізіп жатырмыз", - деді министр Мәжіліс ғимаратында журналистердің сұрақтарына жауап бере отырып.
Еске сала кетейік, 2016 жылдың 30 қарашасында Т. Диханбаевтың өліміне қатысты ҚР Қылмыстық кодексінің 104-бабы бойынша ("Абайсызда қазаға ұшырату") сотқа дейінгі тергеу басталған болатын. "2016 жылы 30 қарашада Астананың №59 мектеп-лицейінде, бесінші сабақтың соңында (шамамен 12:12-де) 28.04.2002 жылғы 8 "Ж" сыныбының оқушысы өзін нашар сезінген. Мұғалім дереу мектептің медициналық қызметкерін шақырған. Жедел жәрдем келгенше балаға қолдан дем алдыру жасаған. 25 минуттың ішінде жедел жәрдем келіп, өз кезегінде жансақтау шараларын жалғастырған. Алайда баланы құтқарып қалу мүмкін болмаған. Алдын ала болжам бойынша диагнозы: жүрек жеткіліксіздігі", - деген еді Астана қаласының Денсаулық басқармасының басшысы Қасымхан Серғазиев.