+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Көкшетауда 13 жастағы Әйгерім Хайдарова сегіз тәулік бойы іздестіріліп жатыр, - деп хабарлайды Tengrinews.kz тілшісі.
Көкшетауда 13 жастағы Әйгерім Хайдарова сегіз тәулік бойы іздестіріліп жатыр, - деп хабарлайды Tengrinews.kz тілшісі.
Жасөспірім шаштаразға барамын деп кеткен. Содан бері із-түссіз жоғалған. Ақмола облысы полиция департаменті бұл істің бабы қайта сараланғанын жеткізді.
"ҚР Қылмыстық кодексінің 99-бабы "Адам өлтіру" бойынша сотқа дейінгі тергеу басталды. 200-ден аса куәгерден жауап алынды. Олар 13 жастағы қызды жоғалардың алдында көруі мүмкін. Полиция қызметкерлері, құтқарушылар, тұрғындар пен еріктілер іздестіру жұмыстарын жалғастырып жатыр. Бұл іс Ақмола облысы полиция департаменті басшылығының бақылауында", - деп хабарлады облыстық полиция департаментінің баспасөз қызметі.
Айта кетейік, осыған дейін полиция 20 тамызда Көкшетауда 13 жастағы қыз жоғалып кеткенін хабарлаған еді. Қыздың анасы тәртіп сақшыларынан көмек сұраған. Оның айтуынша, түскі сағат 15.00-де қызы шаштаразға кеткен, содан бері үйге оралмаған. Жасөспірімнің телефоны өшірулі, қайда жүргені белісіз.
Қыздың белгілері: бойы - 156-160 сантиметр, арық, шашы ұзын, қара, көзі қоңыр. Ол күләпарасы бар сұр куртка, қара толстовка, көк джинсы және ақ кроссовки киген.
Әйгерім Хайдарова туралы қандай да бір ақпарат білсеңіз, төмендегі телефон нөмірі бойынша хабарласуыңызды сұраймыз:
+7 775 085 03 15 немесе 102.
Қазақстан жаңалықтары. Соңғы жаңалықтар. Telegram желісінде бізге жазыл!
