Көкшетаудағы жемқорлық: ЖШС есепшілері 14 миллион жымқырған 26 мамыр 2023, 09:27
Ақмола облысында ЖШС-нің бұрынғы екі қызметкері 14 миллион теңгені жымқырды деген күдікке ілінді, - деп хабарлайды Tengrinews.kz тілшісі Polisia.kz сайтына сілтеме жасап.
24 мамырда Көкшетау қалалық ІІБ кезекші бөліміне жергілікті ЖШС-нің бірінің өкілінен мекемедегі қаржылық құжаттарды тексеру барысында 14 миллион теңгенің жетіспеушілігі анықталғаны туралы хабарлама түскен.
Жедел-іздестіру шаралары барысында полицейлер осы мекемеде бұрын есепші болып жұмыс істеген 36 жастағы екі әйелді анықтады.
Аталған дерек Қазақстан Республикасы Қылмыстық кодексінің 189-бабының 2-бөлігі "Сеніп тапсырылған бөтеннің мүлкін иемдену" бойынша соталды тергеп-тексерудің бірыңғай тізіліміне тіркелді. Тергеу амалдары жалғасып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!