Қостанай облысында аудандық ІІБ орынбасарлары зардап шеккен келіншекке пара бермекші болған

24 Қаңтар 2017, 16:17
0
Қостанай облысында аудандық ІІБ орынбасарлары зардап шеккен келіншекке пара бермекші болған - © Tengrinews.kz
© Tengrinews.kz

Қостанай облыстық прокуратурасы басқармасының басшысы Қайрат Жүсіпов alau.kz тілшісіне берген сұхбатында Қостанай облысы бойынша Сыбайлас жемқорлыққа қарсы іс-қимыл департаментінің аудандық бөлімінің Қарабалық аудандық ІІБ басшысы орынбасарларына қатысты қылмыстық істі аяқтағанын хабарлады. Айта кетейік, емшектегі баласы бар 20 жастағы Любовь Дорошенконы азаптағаны үшін екі полицей - Сәрсенбаев пен Төлегенов сотталған болатын. Соттың шешімімен, Сәрсенбаев пен Төлегенов айыпты деп танылып, 3,5 жылға бас бостандығынан айырылған еді.

Ал енді Қостанай облыстық прокуратурасының баспасөз қызметіндегілер сотқа дейінгі тергеу барысында аудандық ІІБ басшысының екі орынбасары - Ағайдаров пен Ақыновтың зардап шеккен 20 жастағы Любовь Дорошенкоға ақша бермекші болғанын анықтады.

"Олар қызметтік өкілеттігін асыра пайдалана отырып, зардап шеккен Дорошенкоға азаптау ісі бойынша жүргізіліп жатқан сотқа дейінгі тергеу барысында түсініктемелерін өзгерту үшін 100 000 теңге берген", - деді Қайрат Жүсіпов.

Қазіргі уақытта бұл іс Қарабалық аудандық сотына жіберілді.

Еске сала кетейік, бұл оқиға іс материалдары бойынша, 10 сәуірде шамамен таңғы сағат 09.00-де болған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай