1. Басты
  2. Біл
  3. Оқиға
  4. Қылмыс

Қостанайда кикбоксингтен ҚР құрамасының мүшесі қамауға алынды: Ол ер адамды бір ғана соққымен өлтірген

© devyatka.ru © devyatka.ru

Рудның соты ер адамды жұдырықпен ұрып өлтірді деген күдікке ілінген кикбоксингтен спорт шеберін қамауға алу туралы шешім шығарды, - деп хабарлайды Tengrinews.kz тілшісі Қостанай облыстық сотының баспасөз қызметіне сілтеме жасап.

Кикбоксингтен спорт шебері және ҚР құрамасының мүшесі, кикбоксингтен Қостанай облысы құрама командасының капитаны ҚР Қылмыстық кодексінің 106-бабының 3-бөлігі ("Денсаулыққа қасақана ауыр зиян келтiру") бойынша күдікке ілінді.

Соттағылардың мәліметінше, бұл оқиға 2017 жылдың 20 тамызында қала күнін тойлау кезінде шамамен сағат 01.00-де болған. 

Күдікті "Горняк" мәдени-сауықтыру орталығында жүргенде ер адамға жұдырығымен соққы жасаған. Салдарынан ер адам дене жарақаттарын алған. Жабық бассүйек-ми зақымы алып, бас миын жарақаттап, өміріне қауіп төнген. Ал 23 тамызда ер адам Рудный қалалық ауруханасында жансақтау бөлімінде көз жұмған.